Sweeter Egypt chat


 
الرئيسيةchatاليوميةس .و .جبحـثالأعضاءالمجموعاتالتسجيلدخول


اهلا بكم فى شات المصريين



شاطر | 
 

 البنات احسن من الولاد اية السبب تعالو نعرف بنفسنا ؟؟؟؟ 2012 جديد عشر اسباب !

اذهب الى الأسفل 
كاتب الموضوعرسالة
مشمشة



المساهمات : 180
تاريخ التسجيل : 04/05/2012

مُساهمةموضوع: البنات احسن من الولاد اية السبب تعالو نعرف بنفسنا ؟؟؟؟ 2012 جديد عشر اسباب !   الإثنين أغسطس 06, 2012 3:50 am

البنات احسن من الولاد اية السبب تعالو نعرف بنفسنا ؟؟؟؟ 2012 جديد عشر اسباب !

فية ناس كتير بتخلف البنت وتتشائم طيب لية مهو البنت زى الولد
تعالو نشوف بعض الاسباب اللى بيخلى البنت احلى من الولد

عشر اسباب ليه البنت احسن من الولد

(1) لو البنت فى وسط المحاضرة وعطشت وحبت تشترى كانز تقول للدكتور من قضلك يا دكتور عايزه اخرج يسالها ليه تقوله عندى ظروف ومن غير ما يعرف ايه الظروف تلاقى الباب اتفتح
اماالولد لو جاله تليفون ان ابوه مات واخواته اتحرقوا وامه فى الانعاش يقوله هى دى جامعة ابوك روح اترزع مكانك ومش مهم تحضر الدفنه كفايه تحضر العزاء

(2)لو البنت زعلت مع باباها مش حيطردها شخطتين وقلم خفيف عشان البنت عضمها طرى
اماالولد هاتك شلاليت وضرب ويطرده من البيت وعينك متشوف الا النور ويدوبك يلحق مكان ينام حنب البواب

(3)لو فى اتوبيس وبنت دخلت وملقتش مكان كل واحد يعمل فيها صلاح الدين الايوبى وابو العريف والشهامه ويقوم واتفضلى يا انسه
اماالولد اول ما يدخل التكشيره تترسم على الوشوش وكل واحد يطلع راسه من الشباك يتفرج على المحلات

(4)لو البنت سقطت اخر السنة تروح تعيط لمامتها شويه ومامتها تقولها معلش خيرها فى غيرها البنت مسيرها لبيت جوزها
اماالولد يا خرابى يا تعبى يا خسارة تربيتى فيك يا ابن ال روح شوف ابن عمك بيطلع من الاوائل كل سنه (وهوه كل سنه بيعدها وبيسقط) انت من بكره تنزل تشتغل مع الاسطى بليه الميكانيكى تعمل بلوقمتك

(5)لو بنت فشلت فى التعليم تقعد تستنى العريس وهيا بتغنى البحر بىضحك ليه وانا نازله ادلع واغسل الحلل
اماالولد ينزل يشتغل صبى ميكانيكى او ينزل يبيع مناديل فى الاشارات

(6) لو حرامى دخل الشقة الاب والام يدخلوا على البنات ويطبطبوا عليهم ومتخافوش
اما الولد الاب يمسكه يضربه ويقوله مانا لو كان عندى راجل مكنش حد دخل البيت لكن الكل عارف ان انا عندى نيفين يا ابن ال...

(7) فى الشتا لو جيه ضيوف للبنات ازيك يا اونكل وهاتك يا بوس واحضان فى بناته
اما الولد انزل هات كذا وكذا ..ويا سلام لو البنات حيباتو مع بعض يتلموا كلهم مع بعض فى اوضة اما الولاد يسحبوا مخدة وبطانيه ويطلعوا يناموا جمب لاكى الكلب فوق السطح

(Cool لو حصل خناقة فى المنطقة البنات تقعد تتفرج من الشبابيك اما الولاد الى يشد سكينه والى يشد جنزير والى نبوت ويرجعوا الى السكينة فى بطنه والر النبوت فى ودنه والى الجنزير على قفاه

(9) لو الحرب قامت البنت تقعد تتفرج على الاحداث على قناة الجزيرة وتازاز لب وسودانى وتقلب شويه على قناة ميلودى وروتانا

اما الولد يرجه ومعاه الالى وودنه مقطوعه وفاقد الذاكرة وشايل رجله على كتافه ويشوف باباه يقول امال فين اخواتى يا ماما

(10) الولد لو رايح مشوار مع اخته يصحى بدرى ويحط جل ويكوى هدومه وبعدين ينام من كتر الانتظار ولما اخته تطلع تبقا برنسيسه بالميكب والرفيو وهوه طبعا الهدوم اتكرمشت والجل نشف وبقى زى الفرخة والناس يشوفوه يتريقوا عليه ويقولوا الحظ لما ياتى يخلى الشيك قراداتى




اه يا جماعة نسيت
الدلع
البنات
سنتين : ياختى كميله
5سنين :يا عسوله
12 سنه:يا عروسه
18سنه :يا هانم
30 سنة: ياست الستات
60:يا حاجة

الولاد
اربع سنين : انت ياد
18 سنة :انت يا شحط ايه ده انت بقيت طول الباب اهوه
40:يا راجل
50:يا عم الحاج
60:يا راجل يا عجوز مناخيرك اد الكوز


متنسوش الردود يا جماعة على اصحاب مصر


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zico



المساهمات : 104
تاريخ التسجيل : 04/08/2012

مُساهمةموضوع: رد: البنات احسن من الولاد اية السبب تعالو نعرف بنفسنا ؟؟؟؟ 2012 جديد عشر اسباب !   الإثنين أغسطس 06, 2012 1:39 pm

قلمك حلو يابت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
البنات احسن من الولاد اية السبب تعالو نعرف بنفسنا ؟؟؟؟ 2012 جديد عشر اسباب !
الرجوع الى أعلى الصفحة 
صفحة 1 من اصل 1
 مواضيع مماثلة
-
» كارثة 2012.. حقيقة أم خيال؟!
» مجموعة من الافلام التى تتحدث عن عام 2012 ( نهاية العالم ) اربعة افلام
» ==تدمير المسجد الاقصى2012م==
» القطب الشمالي دون جليد عام 2012
» 23 ديسمبر 2012 , هو نهايه العالم لتفاصيل هنا والله اعلم

صلاحيات هذا المنتدى:لاتستطيع الرد على المواضيع في هذا المنتدى
Sweeter Egypt chat :: الاقسام العامة و الاجتماعيه :: عبر بقلمك بكل اللى فى نفسك-
انتقل الى: